منتدى الطهي والمطبخ المطبخ الشرقي والغربي المأكولات الشرقيه والغربيه وطرق إعدادها

موضوع مغلق
 
أدوات الموضوع انواع عرض الموضوع
قديم 08-17-2008, 09:10 AM   #1
مراقبة سابقة

الصورة الرمزية سحرالعيون
 
الملف الشخصي:

تقييم العضو:
معدل تقييم المستوى: 173

سحرالعيون is on a distinguished road

Post حشوات سمبوسة رمضان ^_^


[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

هلااااااااااااا حبيبات قلبي
السمبوسة ... الكل بيحبها ... مثل مانتم عارفين ..
وهذولا بعض الحشوات



[عزيزى الزائر لايمكنك مشاهده الروابط الا بعد التسجيلللتسجيل اضغط هنا]



اليوم يبت لكم جم حشوة سمبوسه او سبرينغ رولز

ممكن تستخدمينهم للبيف باستري او المعجنات


انا مجربتهم كلهم

تقدرين تتفنين على كيفج طبعاً

بس انا حبيت اعطيكم افكار من تجربتي

انا مابحط مقادير لان كل وحده تسوي على الكميه الي تبيها

و حبيت اقولكم اني استخدم عجينة السمبوسه الي تصير مربعه

حق السبرينغ رولز و هذي صورتها


[عزيزى الزائر لايمكنك مشاهده الروابط الا بعد التسجيلللتسجيل اضغط هنا]
و العجينه الطويله للسمبوسه

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]
و هذي طريقتها

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]



طبعا هذي المعلومه معروفه بس انا اقولها للبنات الي

ماعندهم خبره في هل سوالف

و الصقهم بالبيض مخفوق بالشوكه

و مرشوش عليه شوية بزار ( فلفل اسود )

ممكن تسوين خلطة طحين و ماي بس انا افضل البيض يطلع ارتب و مايلعوز





# الحشوات #


1 / حشوة الخضروات الجاينيز


[عزيزى الزائر لايمكنك مشاهده الروابط الا بعد التسجيلللتسجيل اضغط هنا]
( ممكن تضيفين لها دياي مسلوق و مسلل يعني منتف
او بس تكتفين بالخضره )

انا افضل هذي الحشوه تسوونها على شكل سبرينغ رولز
و تاكلونها مع صوص جاهز ينباع في السوبرماركت)

هذي صورته


[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

[عزيزى الزائر لايمكنك مشاهده الروابط الا بعد التسجيلللتسجيل اضغط هنا]

فلفل بارد ملون اخضر اصفر احمر او الي عندج
و انا افضله مقطع طوال و ضعاف كلش

ملفوف ابيض و بنفسجي

جزر مقطع شرايح طوال و ضعاااااف و صغار او مبشور

بصل عادي و ممكن تضيفين البصل الاخضر الطويل

فلفل حار اخضر مقطع صغار كلش للي يحبه حار

ثوم مدقوق

صويا صوص شووووووي

بهارات مخلوطه و تحصلون في السوبرماركت صوب البهارات علبه مكتوب عليها
بهارات السمبوسه او تحطين على كيفج الي تبين




2 / حشوة اللحم بالصنوبر

(بنات هذي حدهااااا لذيذه سويتها السنه الي طافت و عجبت اهلي وايد)

لحم بقر مفروم و انا افضله يكون فريش بالكيلو من السوبرماركت
لان بيكون احسن من المثلج

بصل و ثوم

فلفل بارد اخضر مقطع صغاااااار كلش كلش و اذا ماتبين مايحتاي

ذره حسب الرغبه

صنوبر تضيفنه آخر خطوه عشان مايحترق و ضروري تتأكدين ان الصنوبر يديد
لان اذا قديم بيصير طعمه كلش مو حلو

بهارات مشكله و حلاتها تكون شوي سبايسي




3 / حشوة الدياي و الذره

( هذي الصغار يحبونها )

دياي مسلوق و منتف صغار

جزر مبشور

ذره

فلفل بارد صغااااار مفروم

جبن كرفت مبشور

شووووووي مايونيز يمكن ملعقه صغيره بس عشان الخلطه تلزق مع بعضها

رشة فلفل اسود





4\ حشوة البيتزا

جبن كرفت مبشور او جبنة موزريلا او الاثنين

زيتون تقطعينه صغار

مشروم تقطعينه صغار

فلفل بارد احمر اخضر اصفر الي عندج

دياي مسلوق و منتف او سجق مسلوق و مقطع صغاااار او مايحتاي

رشة اورغوانو ( زعتر بري ) تحصلونه صوب البهارات

رشة فلفل اسود

ممكن تحطين ملعقه صغيييييره كلش كاتشب او تستغنين عنها





5 / حشوة الجبن

جبنة كيري

جبنة كرافت مبشوره

بطاطا صغيره مسلوقه و مهروسه مرشوش عليها ملح و شوية فلفل اسود

بنات انا حطيت البطاطا عشان الجبن يتلزق مع بعضه
و مايطلع برى السمبوسه عند القلي




6 / حشوة الجبنه البيضه و النعناع

جبنه بيضه المراعي او الي تبين و الاحسن قليلة الدسم

نعناع مجفف و تلقينه صوب البهارات يشبه الاورغوانو

ممكن تضفين معاهم زيتون اسود مفروم
او سبانخ او زعتر تكثرون منه




7 / الحشوه الهنديه


بطاطا مسلوقه مهروسه مملحه و مبهره

ماش اخضر

ممكن تضيفون نخي اخضر يعني بازلاء خضره
تلقونه في معلبات
بس تهرسونه هرس خفيف كلش بحيث يحتفظ بشكله

بصل و ثوم

فلفل اخضر حار اذا تحبينها حاره

بهارات مشكله





8 / حشوة الشوارما او التندوري

دياي مسلوق و منتف صغار
او تشترون باكيت دياي الشوارمه الجاهز المثلج

بصل و ثوم

فلفل بارد مقطع

جزر مبشور اذا تبون

بهارات التندوري و بهارات مشكله

تسون الخلطه بنفس طريقة الشوارمه





9 / حشوة الجبن الحلوه


جبنة كيري بسسسس

و عقب ماتبرز تصبون فوقها عسل او شيره

و ترشون مكسرات مثل الفستق المطحون





10/ السمبوسه الحلوه

( مالت امهاتنا و يداتنا يقدمونها مع القهوه للعيد )

مكسرات مفرومه و لازم تكون يديده مثل الفستق و اللوز ( الي شكله دمعه)
نصب عليهم ماي ورد شووووووي و هيل و زعفران شوووووووي

بعد القلي نصب عليهم عسل او شيره و نرش شوي من المكسرات للزينه


[عزيزى الزائر لايمكنك مشاهده الروابط الا بعد التسجيلللتسجيل اضغط هنا]


منقول لعيونكم



اتمني يناال اعجبكم
التوقيع:

سحرالعيون غير متواجد حالياً  
قديم 08-17-2008, 09:44 AM   #3
مراقبة سابقة

الصورة الرمزية سحرالعيون
 
الملف الشخصي:

تقييم العضو:
معدل تقييم المستوى: 173

سحرالعيون is on a distinguished road

افتراضي


مشكور اختي نايمه على مرورك الجميل


وربي يعطيك العافيه

دمتي بو
د
التوقيع:

سحرالعيون غير متواجد حالياً  
قديم 08-19-2008, 04:52 AM   #4
مشرفه سابقه ومتميزه

الصورة الرمزية صاحبــة السمو
 
الملف الشخصي:

تقييم العضو:
معدل تقييم المستوى: 247

صاحبــة السمو is on a distinguished road

افتراضي


سلــــــــمت يـــداااك


والف شكر لطرحك المتميـــز ,,




تحياتي لك ,,
التوقيع:

صاحبــة السمو غير متواجد حالياً  
قديم 08-19-2008, 03:20 PM   #5
مراقبة سابقة

الصورة الرمزية سحرالعيون
 
الملف الشخصي:

تقييم العضو:
معدل تقييم المستوى: 173

سحرالعيون is on a distinguished road

افتراضي


مشكوره اختي صاحبه على مرورك الجميل


وربي يعطيك العافيه

دمتي بود
التوقيع:

سحرالعيون غير متواجد حالياً  
موضوع مغلق

مواقع النشر (المفضلة)

الكلمات الدلالية (Tags)
حشوات, رمضان, سمبوسة


الذين يشاهدون محتوى الموضوع الآن : 1 ( الأعضاء 0 والزوار 1)
 

(عرض التفاصيل عدد الأعضاء الذين شاهدوا الموضوع : 0
لا توجد أسماء لعرضهـا.
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
وسائط رمضان 2010 -وسائط رمضان 2011 نايمه علي الغيوم      منتدي الرسائل و رسائل الوسائط MMS         6 06-21-2011 03:12 AM
إذا أردت حسنات كالجبال ؟ ؟ ؟ مجنون السامرى المنتدى الاسلامي 14 01-20-2011 05:22 AM
سمبوسة بالدجاج والبقسماط نايمه علي الغيوم منتدى الطهي والمطبخ 5 09-25-2008 08:03 AM


الساعة الآن 09:28 PM.


Powered by vBulletin® Copyright ©2000 - 2020, Jelsoft Enterprises Ltd. , Designed & TranZ By Almuhajir
Adsense Management by Losha
جميع مايكتب في المنتدى من مواضيع او مشاركات او آراء تعبر عن رأي كاتبها فقط ولا تمثل رأي إدارة الموقع او أهدافها او توجهها

هذا الموقع يستعمل منتجات MARCO1