عرض مشاركة واحدة
قديم 10-29-2007, 10:50 PM   #10
عضو مزعلاوي

الصورة الرمزية انين الشوق
 
الملف الشخصي:

تقييم العضو:
معدل تقييم المستوى: 136

انين الشوق is on a distinguished road

افتراضي


زرت انا داركم

زرت أنا داركم يا مشغلين العيون
باتطمن عليكم يوم رد السلام
غبت عني وانا ما بين دون ودون
غبت عني ليالي كنها ألف عام
أترجا وصالك يالحبيب الحنون
من شكا الحب يالغالي ترى مايلام
ليت ما بيننا يازين هذا يكون
وانت تدري صويب الحب حكمه عدام
عنك ما صبر ولا اقدر صورتك بالعيون
المحبة صعيبة ما يبي له كلام
كان تسمح بوصلك كان جرحي يهون
وان تعذرت عني ما عليكم ملام
اكتم السر عن من بالقفا يهرجون
واعرف إن العواذل ينقلون الكلام



وين انت

وين انت ياللي بالهوى تجرح احباب
قل لي ولو طالت دروب المشاوير
أنا أشهد الحب للروح تعاب
لا شك درب الحب كله تفاكير

ما طاب لي ليل الكرا منك ما طاب
سود الليالي في عيوني معاسير
دمع النواظر سال من بين الأهداب
ترى القطاعة بين الأحباب تقصير

ليت الهوى والحب في خافقي ذاب
يومك على قلبي كثير المعاذير

أو ليتنا يا متعب الخافق أغراب
ما كان به هم ولا به تحاسير
وين أنت ياللي بالهوى تجرح أحباب
قل لي ولو طالت دروب المشاوير
أنا ربي في حبك بلاني
أنـا ربـي فـي حــبك بـلانـي
بلاني في هواك وأصبحت منحاس
ملكت الروح وقلبي لك يعاني
خاف حبك وهم يا زينة الناس

دخيلك قبل أموت حقق أماني
أماني في يدك يكفيني هوجاس
وضـح قــول كـلـمة يا أنـاني
أنا مثلك بشر لي ذوق واحساس

أنا مـليت يكـفـي مـا دهــاني
هايم في هواك ما قلت لا باس
أنــا ربـي فـي حــبك بـلاـني
بلاني في هواك واصبحت منحاس






يا مطول الغيبة
يا مطـول الغيبة .. ما ادري وش اخبارك
قــلبي شسوي به .. أشــعـلت به نـارك
ما تدري تبي قربي .. والا تبي بعدي
قل لي عليك الله .. وين الهوى دارك

ذقت العذاب ألوان .. بعدك ولا تدري
ربحي غدا خسران .. والهم في صدري
وينك أبي شوفك .. لا تقول لي ظروفك
تعال أبي قربك .. يا مبعدٍ دارك

كم مرة في مرة .. ألقاك في بالي
عشت الهوى بحسرة .. وانت ولا تبالي
يا قلبك القاسي .. لا تجرح احساسي
صار الجفا دربك .. يا مشتت أفكارك







اللي تبينه

اللي تبينه ما درى عنك وش فيك
وانا عليك اشتاق وانتي بعيدة
خلي حياتك تختلف عن أمانيك
عيشي مع العالم حياة جديدة
لا صار حظك في زمانك يعنيك
لا لا تكوني في زمانك عنيدة
مادامني في دربك أمشي وأناديك
ورديت كل اللي يبون القصيدة
أنتي نسيتيني وأنا جيت هاويك
هاجوس فكري ينتهي بك وأعيدة
راحت حياتي منتظر في رجاويك
أيامي السودا خذت ما تريده







ودي نتفاهم
ودي نتفاهم مع بعضنا من اليوم
والماضي اللي فات ننساه كله
ماحد عن الزلة بهالكون معصوم
الشاطر اللي لا بغا الحق دله

لا ما نسيتك يا حبيبي ولا يوم
كل الغلا اللي تذكره في محله
طيفك بعيني والفكر فارق النوم
همي من أسبابك وشكواي لله

ظالم وكنك بين هالناس مظلوم
مهما تسوي خافقي ما يمله
أرضى بتعذيبك ولا عيش محروم
فرقا الحبايب هو سبب كل علة




وش بك

وش بك على قلبي كثير المعاذير
وش غيرك من عقب ذيك الصداقة
إن كان جتك أخبار عني من الغير
ناس تريد اليوم قطع العلاقة

خليتني مجروح جرح المقادير
ترى فراق الروح مرَ مذاقه
منك الجفا يا زين ما له تفاسير
ارحم عليل بعدك اليوم عاقه

بيني وبينك بالهوى كل تقدير
عهد عطيتك ليه تقطع وثاقه
قضيت ليلي في هموم وتفاكير
الصاحب اللي طال وأبطى فراقه





عيوني في عيونك

عيوني في عيونك سر واضح
إذا جفني غفا أشوف زينك
تعال قل لي متى تعطف وتاتي
وترويني العطش بكفوف يدينك

حنيني ليك حنين ما عاد يوصف
وأشواقي شجن إلين أجي لك
كم صابر سنين والجرح فيني
وأتمنى في يوم لمسة يدينك

ولك يا سيدي عن طيب خاطر
إذا تعطي الثقة بيني وبينك
ما باتذبل معي زهرة شبابك
أحافظ عليها أنا من حاسدينك


يا سعد بنخاك

ياسـعـد بنخــاك يابن الاصـيـل .. صابني غروٍ عيونه يوحشن
صرت انا في حبهم مثل العليل .. بس أطالع في عيون يربشن
في هواهم صرت أنا مثل الذليل .. خايفٍ منهم وقلبي يوجعن
يا حياتي أنتي للحـب الدليـل .. في ظلال الليل خدودك يشعلن















ياهل الهوى دستور
ياهل الهوى دستور .. من صاحبي مقهور
أيام وتسع شهور .. ما ارسل حبيبي سلام

ياهل الهوى مظلوم .. من شوفته محروم
ياعـاذلي لا تلـوم .. أرجـوك يكفي ملام

قلب المولع ياصاح .. هايم حشا ماارتاح
ترى الهوى فضاح .. هجر المعنى حرام

ياهل الهوى تكفون .. طبع الهوى وشلون
أشكي ولا توحون .. شكواي ظلم الغرام











لا من طرا لي
لامن طرا لي صاحبي المزاح .. هلت دموعي فوق الاوجاني
أبو خـــدودٍ كــنها التـفـــاح .. عــذبـتـنـي يا ســيد خــــلاني
أذكـر زمـــانٍ لنـا قـد راح .. جـالس معه في وسط بسـتـاني
قلب المشقى يابو تركي صاح .. في داخـله ياخــوك نيـراني
أبـو جـبـيـنٍ شـوفـته أفـراح .. يـامـا عـلـيه القـلب ولـهـاني
أهـداب خـلي تقـل صف ارماح .. يقتل بها ابطـال وشجعاني








ياناس عاشق غزال
ياناس عاشق غزال .. يجيد رمي الرماح
فيه الحسن والدلال .. ياعاشقين الملاح

رماني بين الضلوع .. تركني وسط الرياح
واطفى علي الشموع .. في حبه العمر راح

تكفى ياطير السما .. باطير عطني جناح
بالحق بريم الفلا .. ارجع يا سيد الملاح







قالوا تخير
قالوا تخير قلت ما لي بغيره
شخصٍ تمنيته على الخلق وابيه
قلت الضريرة في حياةٍ حسيرة
ماهي بمـثل اللي عـيونه تقـديه
قلت الضريرة في حياتي بصيرة
والنـاس كـل له هـوايـة تمشـيه
قالوا لي انساه قلت هذي كبيرة
خلي منه روحي وانا راضي فيه
قالوا لي ندور لك بارض الجزيرة
أبو عـيــونٍ سـود ربي محـلـيـه
قلت اسكتوا يا مفأرقين العشيرة
ياهل الحكي والزور واهل المشاريه
ترى الجمــال مكـمـلٍ بالضـريرة
عـقــل وثقـل سبحـان ربٍ مسـويه
هو الذي لاجله عيوني سهـيرة
وهو الذي قلبي من الناس هاويه
ولاجل الضريرة في حياتي خشيرة
تحـرم علي البيـض غـيره فلاابيه




يا تعب عيني

يا تعب عيني لا اقبل الليل بركـود
فزت تخايل وين قرة نظرها
وين الذي من بدة الناس موعـــــود
على فراقه دمع عيني نثرها
وين الذي به خصلة الطيب والجود
كم واحد نفسه كسيرة جبرها
قمت اتذكـر بالمهـــد كـان مولــود
يزرع ويقطف من حناني ثمرها
فزت تخايل شوق والشوف محدود
عن شوفته حالت ليالي قدرها
من حر ما بي قلت يا عز مفقـود
أمك عقب شوفك يودع بصرها
بيض الليالي في نظر والدك سود
نفسه عقب فرقاك نادت كدرها
عقبه سطا بي الهم والحال مهدود
دمع وحزن واشواق نفسي كسرها
واليوم حال الحكم ما عنه مردود
مات وجلال الرب روحه أمرها


غبش

صابني يا هلي أكحل طويل الرموش
من نظرته وانا عليها غبش

ناعـم الكف كفه زاهية بالنقـوش
والشفايف لهبها مثل جمر انفتش

أسود الليل في شعره كثير الروش
والزهر فوق خده غاوي وانتعش

مشـيته لا تثنى للخـلايق فتــوش
كل من شـاف زوله في مكانه بلش

كامل الزين وافي له محيا بشوش
يروي الظامي اللي جف ريقه عطش

ريحة الطيب لاقبل ما لها من يحوش
مثل طيب تنثر من عيون المرش




اجرحيني

اجرحيني واهدمي قصر الخيال
واتركيني في ثرى نجد الحبيب

ساعة الفرقا على يابن الحلال
من عناها عادني مثل الصويب

اجرحيني جرح للذكرى منال
يلتهي بي دام مـالي من مجـــيب

جرحك المنشود ياعمري حلال
لو يصيب الروح يالغصن الرطيب

ان هوى قلبي على قلبك ومال
اعذريني واذكري شمس المغيب

لا التقينا واكتست عين الدلال
واكتسى رمش يعذب من يصيب




قلبي تعلق

قلبي تعلق في فتـاة مليحــة ... منها غريق في بحـور الغرام

قلبي تعذب في حيـاة مريحـة ... منها عـليل عــايش بالهيــام

أسهرت ربعي ياجماعة فضيحة ... لا نحت نوح مثل نوح الحمام

من أول يا زين حالي صحيحة ... واليوم لي ما باقي الا العظام

في حبكم يا زين قلبي صفيحة ... مرسوم فيها صورتك والكـلام













أضحك أنا للغير

اضحك انا للغير وابكي على روحي

كني كسير الطير هايم ومجروحي
اجامل العذال لا يكشفون الحال

صابر وصبري طال هيض علي نوحي
فرقى الحبايب شين مامنه مصلوحي

وينك يانور العين ابكي ولا توحي
ابكي على فرقاك عايش على ذكراك

قلب العنا يــفداك للــوم مايوحـــي
يالله عسى بلواي له باب مفتوحي

واعيش انا دنياي بفراح ومزوحي
واهنا بقرب الزين فرحه وقرة عين

وانسى شقى عامين واروي عطش روحي



ياسعود

يا سعود قلبي من هوى الزين مجروح
جرح عطيـب بعـد فرقـا حبيبـه
للصاحب اللي بالتواصيـف مملـوح
طـول غيابـه ياعسـى الله يجيبـه
ياهاجري مالك من البعـد مصلـوح
القلـب مـن بعـدك تزايـد لهيبـه
من البطا صاير لذكـراك مشفـوح
أغلط وانادي الناس باسمك غصيبـه
ترى الخطا ياكحل العيـن مدمـوح
بس الخطا لا خنـت والله مصيبه
ترى الوصل بين المحبين مسمـوح
واصـل فـؤاد انـت داه وطبيبه
يازين تكفى بارتجي منك لا تـروح
لاتروح وتبطي ترى جروحي عطيبة
التوقيع:

انين الشوق غير متواجد حالياً