عرض مشاركة واحدة
قديم 10-29-2007, 10:40 PM   #2
عضو مزعلاوي

الصورة الرمزية انين الشوق
 
الملف الشخصي:

تقييم العضو:
معدل تقييم المستوى: 134

انين الشوق is on a distinguished road

افتراضي


عيني القشرا

عيني القشرا مطاولها السهر
عادة العشاق دايم يسهرون
صاحبي ماله مثيل في البشر
كاملٍ بالزين مدعوج العيون
نور خده ساطعٍ مثل القمر
والجدايل كاسياتٍ للمتون
العيون اللي على العاشق خطر
تسحر العشاق بالرمش الفتون
والمبيسم يا فهد لونه حمر
والعسل من ريقها لو تطعمون










حبيبي لا سمع صوتي

حبيبي لا سمع صوتي أغني .. رفع صوته يسمعني كلامه

حبيبي يا أحور العينين فني .. حبيبي لا مشى مثل الحمامة

حبيبي ما تكفيه الإشارة .. ولا حطيت لك فوقه علامه

طريق ما يغدره بالفهامة .. ولا حطيت لك فوقه علامه















المزمار
يا رقصة المزمار ما أنسى ليالي
فيها التقيت اللي هويته ومغليه
من بعد طول غياب شفته قبالي
لا واهني القلب يوم التقى فيه
لا ما حسبت حساب ولا طرى لي
في يوم عيني تشوف زوله والاقيه
هو سلوة المجروح هو راس مالي
هو شف قلبٍ بالمحبة يناديه
نشوان قلبي حيل بأعز غالي
من بين كل الناس قلبي التوى فيه
حبه سكن بي ما يفارق خيالي
وطيفه بقلبي آه عيني تراعيه










يا مسافرة عودي

يا مسـافرة عـودي .. خلي السفر بكرة

خـلينا نهنا اليـــوم .. ونجــدد الذكــرى

اللـه يعــــيـن اللـي .. مفــارق أحـــبابه

كيف العـمـل يا رب .. والصـبـر في غيابه














في قمة المأساة

في قمة المأساة أنا عشت وحدي
مع كل عام أحزان عمري تجدد
يا موت وينك ماتت آمال ودي
حتى بيوم العيد لا افرح ولا اسعد
كل ما يطول الهجر يزداد وجدي
واحس في غربة مع الحظ الاسود
وينك أعاصير الزمن دوم ضدي
فوق الرمال امشي تحت شمس تشتد
لولا عذاب الحب ما انباح سدي
لا يا زمان المر لا صحت أنا أشهد
يوم أقلب صورنا القديمة بيدي
أعيش جوٍ كان عمر به الوجد
بعدك غزاني الشيب وانهار جهدي
لا ربع لا خلان محروم أنا الود
واختم مطاف الحب ماعاد يجدي
حان احتضار الموت عنك أبابعد





قالوا تحبه

قالوا تحبه قلت ما هوب بالحيل .. بس انه أغلا شوي من نور عيني
يسـوا جميع الجيل الأول وهالجيل .. واحـبابي المـاضـين والمقـبليني

شوقي له أعظم من ظما الأرض للسيل .. واشفق عليه أكثر من أم الجنيني
واحـتاج له حاجـة ثـرى مصـر للنيـل .. وعـليه أغـار لو من الوالديني

أشـتاق له شـوق المحـبين لليــل .. وارتـاح له راحـة دمـوع الحزيني
لا صار جنبي لو سنة وقتي بخـيل .. ولا غـاب لو لحظات صارت سـنيني

قالوا يحـبك قلت هـذا هـو الويــل .. ما ودي أنشـــد ثم رفضـه يجـيني
واهـدم رجـاي بدبرتي مثل ما قيل .. والأفـضل أحيا بالأمـل لو لحـيني

يا حـبكم يا ناس للقـال والقـــيل .. الله يجـــازي جمــلة العــــــاذليني
خلوني أحيا في الوهم يا عواذيل .. وش دخـــلكم والأمر بينـه وبيني





كلمات الأمير : سعود بن بندر


قريب

قريب واحساسك بعيدٍ وادله
ما قد شكيت ابعاد شخصك تعاتيب
المشكل إنه ما بدا منك زله
فيك الطبايع يلمس الجرح ويطيب
طرد المقفي يا مقفي مذله
مثلك تلطف واحسب اللطف ترغيب
ما شفت منك إحساس خلٍ لخله
مانكرت فيك الحسن واللين والطيب
لا صار ظني يالغضي في محله
مانكر حلاة الحب من غير ترغيب
حبك كفاني هم والحال سله
يا ليتني هذاك رغم العذاريب
يا ليت قلبي عن غرامك تدله
قلبٍ عرف قدرك وشاف التعاجيب
بدايتك طفيت في القلب غله
ونهايتك مليت قلبي لواهيب
ومصيبتي يا ماخذ الحب كله
إنك لغيري وانت كل المطاليب




وشلون جوك

وشلون جوك عقبنا كيف حالك
مادري تعيش بحزن والا مسرات
من غبت أبد ما غاب عني خيالك
قدام عيني صورتك طول الأوقات
ياهل ترى في يوم أحظى بوصالك
والا تخالف بيننا الاتجاهات
مهما اتظاهر بالفرح واتمالك
تنهار أعصابي إذا أطروك بالذات
ما شاق عيني غير روعة جمالك
يا ماخذيت بعالم الحب سجات
يا قلب لا تحزن على اللي جرى لك
لا عاد تبكي لك على فايتٍ فات




كلمات : فهد عبد الكريم الأحمد




من يوم شفتك

من يوم شفتك حبيبي صارت بقلبي حريقة
كان القدر قد جمعنا في ظرف ساعة ودقيقه
مااحلاك يا نور عيني مااحلا كلام الحقيقه
توعد وتنسى وعودك يا زين ما هي طريقة
أرهقت نفسي من أجلك إرهاق ما لا أطيقه
واقول عسى أو عسى يروي فؤادي رحيقه
إرحم متيم حبيبي إرحم لمن جف ريقه
طبع الوفاء يا حبيبي احفظ عهودٍ وثيقه













يا ناس

يا ناس وين اللي كلامه يسلي
قلبي ضناه الشوق في كل محراف
فارق عيوني قبل عيني تملي
خلا دموعي بحاجر العين تنشاف
ويلاه من دنيا ليالي مضىً لي
أمسي وجفن العين من النوم عياف
قلي يا نور العين والروح قلي
قلي علسى ما به على الخاطر خلاف
ودي بشوفك ليت شوفك حصل لي
وأروي نظر عيني واعيد الذي طاف
إنت المنى والروح يا كل كلي
ملفاك قلبي ورمش عيني لك لحاف




كلمات : طارق الدهام

كلمات : طارق الدهام

اختلفنا
صــادق وظني ما صـدق وده .. والــروح مني وافـيـه بوعـده
يضحك لي سنه صدقته ما كذبته .. ويحلف لي انه يصون كل ما قلته
وفجــأة اخـتلفنا وعني ابتعد .. واللي عـــشـناه حـــلم وشـــرد

ما عـاد أصدق من يكون .. أئمـنه قلبي يخـون
واللي حصل ما هو سهل .. يكفي ضيعت الامل
مـاني أول من يحــــب .. أو تعــذب مـن كـــذب
وفجــأة اخـتلفنا وعني ابتعد .. واللي عـــشـناه حـــلم وشـــرد

غـلطـتي مـا عـاد تعاد .. ابقـنـاعة لا عــــنـــاد
وللفرح قصة انتهت .. وجروح لطعونك وفـت
مـاني أول مـن يحــب .. أو تعــذب من كــــذب
وكل شي بيننا انتهى .. صدق المشاعر صنتها
وفجــأة اخـتلفنا وعني ابتعد .. واللي عـــشـناه حـــلم وشـــرد



كلمات : ماجد عجب




حظ عيني

حظ عيني لو تشوفك كل يوم
حظها وانته لناظرها الضيا
نام فيها نام وانعس لا تقوم
بالسعادة يا تباشير الحيا
إنته اللي لك أنا عمري أسوم
وارخص الغالي بلا زيف وريا
والبقا يا ما لهم عندي لزوم
قلبك وقلبي حبايب أوفيا
غيبتك وجدان واحزان وهموم
تتعب أفكاري تسبب لي عيا
ودي بشوفتك مع طيب العلوم
عن عيوني لا يبعدك النيا
صدق أنا مشتاق لكني كتوم
أجبر عزومي ويمنعني الحيا
منزلي فوق الكواكب والنجوم
وافي وسمعي على صوتك حيا
وش على عيني إذا شافتك دوم
دامك إنته في نواظرها الضيا




مو هذا جزاء المعروف

أنا ما عـــاد أبي قـربك .. مـا دام الغــدر في دربك
تغدرني وعيني تشوف .. مو هذا جزاء المعروف

وصـفـتك باجمل إحساسي .. ولكـن خـنـت يالقــاسي
شعلت النار وسط الجوف .. مو هذا جزاء المعروف

نســيت أحــلا ليــالـيـنـا .. هـدمت أحــلام مـا ضـيـنـا
تركت أحلى الزمان يطوف .. مو هذا جزاء المعروف

وأنا لو جــيت أبتذكــــر .. أشــوفك صــرت تـتـنـكـــر
وكني شخص مو معروف .. مو هذا جزاء المعروف

وانا من جــد ما الومـــك .. بكــيـفـك غـير اســلومك
حـقيقة مانت بي مكـلوف .. مو هذا جزاء المعروف

طـبـيعـة في الزمان اليوم .. أحـد ظـالم واحد مظلوم
وياما في الزمن بنشوف .. مو هذا جزاء المعروف


كلمات : قاسم الخميس
التوقيع:

انين الشوق غير متواجد حالياً